هه‌واڵی ئه‌ده‌بی

فستیواڵی شێعری هاوچه‌رخی كوردی له‌ پیرانشار به‌ڕێوه‌ چوو

ناوی براوه‌كانی فستیواڵه‌كه‌ راگه‌یه‌نرا

شه‌ش كه‌س بوونه‌ براوه‌ی خه‌ڵاتی به‌شی ئازادی فستیواڵی شیعری هاوچه‌رخی كوردی و كه‌سێكیش هه‌ر له‌و به‌شه‌دا خه‌ڵاتی به‌رده‌نگانی وه‌رگرت

خه‌ڵاتی به‌شی تایبه‌ت به‌ شه‌هیدانی سڤیلی 17ی ره‌شه‌مه‌ به‌خشرایه‌ سێ كه‌س

دوای دوو رۆژ له‌ خوێندنه‌وه‌ی شێعر و لێكۆڵینه‌وه‌ و گفتوگۆی ئه‌ده‌بی، دوانیوه‌ڕۆی رۆژی هه‌ینی 21ی ره‌شه‌مه‌ی 1388ی هه‌تاوی مه‌راسیمی كۆتایی پێهێنان و به‌خشینی خه‌ڵات...

ادامه نوشته

دواهه‌مین هه‌ناری دنیا

 

ماوه‌یه‌ك بوو، له‌به‌ر خۆمه‌وه‌ پێم وابوو، ئیدی هه‌رگیز كتێبێك ئه‌وه‌نده‌ سه‌رسامم ناكا، كه‌ له‌ جێی خۆم وشك هه‌ڵێم. وه‌ك چۆن چه‌ند ساڵێك به‌ر له‌ ئێستا، شێت و شه‌یدای سه‌د ساڵ ته‌نیاییی ماركیز، یان گفتوگۆ له‌ كاتدراڵی یووسا، یان تازه‌تر، خولیای كافكا له‌ قه‌راغ ده‌ریای مۆراكامی ببووم. كاتێك نوسخه‌یه‌كی دواهه‌مین هه‌ناری دنیام له‌ نووسینگه‌ی ده‌زگای ئه‌فراز له‌ شه‌قامی فه‌له‌ستین به‌ ده‌سته‌وه‌ گرت، پێم وانه‌بوو له‌ودیو ئه‌و دیزاینی به‌رگه‌ ساده‌وه‌، چ خه‌زێنه‌یه‌ك شاردراوه‌ته‌وه‌. پشت به‌رگ ویستبووی واقیعی كتێبه‌كه‌ به‌ ده‌سته‌وه‌ بدات، به‌ڵام وشه‌كان نه‌ده‌بوونه‌ راستی، مه‌گه‌ر نوقمی كتێبه‌كه‌ ببایت: "زۆربه‌ی ره‌خنه‌گران دواهه‌مین هه‌ناری دنیا به‌ باشترین و كامڵترین رۆمانی ئه‌ده‌بی كوردی ده‌زانن. ئه‌گه‌ر بمانه‌وێ وه‌رگێڕان بۆ سه‌ر زمانه‌ جۆربه‌جۆره‌كان بكه‌ینه‌ پێوه‌رێك بۆ به‌ جیهانی­بوونی رۆمانێك، دواهه‌مین هه‌ناری دنیا رۆمانێكی جیهانییه‌، چونكه‌ تا ئێستا وه‌رگێڕدراوه‌ته‌ سه‌ر زمانه‌كانی ئه‌ڵمانی، رووسی، ئینگلیزی، عه‌ره‌بی، توركی، فارسی و له‌م دواییه‌ش­دا ته‌رجه‌مه‌ی ئیسپانیایی كراوه‌ و هێشتا له‌ بڵاڤۆكه‌ ئه‌ده‌بییه‌كانی دنیادا له‌سه‌ری ده‌نووسرێ…" و چه‌ند دێڕ له‌ به‌ره‌وه‌تر، له‌ زمانی ده‌یڤید لینچ نووسراوه‌: " ئه‌گه‌ر بمه‌وێت ده‌ كتێبی باڵا كه‌ خوێندوومنه‌وه‌ ناو ببه‌م، چواریان به‌ختیار عه‌لی نووسیونی."

ئه‌م دێڕانه‌ له‌ راستی ناچن، پێت وایه‌ گاڵته‌ ده‌كات. ده‌یڤید لینچ؟… 

 

   سه‌ره‌تای وتارێكی مسته‌فا ره‌زیئی، نووسه‌ر و ره‌خنه‌گری فارس به‌ بۆنه‌ی بڵاوبوونه‌وه‌ی رۆمانی "دواهه‌مین هه‌ناری دنیا" به‌ زمانی فارسی.

سه‌رچاوه‌:/www.jenopari.com

 

چیرۆک

          گای ئیسپانی

بای گه‌ڵابه‌یه‌ك هه‌رچی تۆزی قوڕاویی جاده‌كه‌یه‌ پێم هه‌ڵده‌پڕژێنێت و ناچارم كونی گوێم خاوێن بكه‌مه‌وه‌. ده‌ك به‌ قوڕ گیرێی.. ده‌ك به‌سه‌ر شاره‌داردا به‌قوڕ گیرێی!

كه‌وشه‌كانم، كه‌وشه‌ ره‌شه‌ بریقه‌داره‌كانم، كه‌ شه‌وێ له‌ په‌نا سۆبه‌ هه‌ڵم­په‌ساردبوون و به‌یانی تێر بۆیاغم كردبوون، ئێستا دوو هێنده‌ی كێشی خۆیان قوڕ هه‌ڵگرتووه‌. هه‌ر ده‌زانن باج و ماڵیات له‌ خه‌ڵك وه‌رگرن! ئه‌و نامه‌ردانه‌ش له‌ جه‌مسه‌ری بڵواره‌كه‌ به‌ به‌تاڵی باده‌ده‌نه‌وه‌ و ته‌شریفیان دوو قه‌ده‌م نایه‌ته‌ خوارێ قوڕبه‌سه‌رێكی وه‌ك من له‌و زه‌لاله‌ته‌ رزگار بكه‌ن. منیش بم بۆ سه‌د تمه‌نی خوێڕی ماشێنی خۆم به‌ قوڕ ده‌گرم؟ بابه‌ ئه‌گه‌ر قیله‌تاو و به‌رده‌ڕێژیشی ناكه‌ن خۆ ده‌توانن دوو ماشێن‌ چه‌وی تێبكه‌ن.

به‌یانی به‌ ده‌نگی که‌سێک له‌ خه‌و راپه‌ڕیم، سه‌راسیمه‌ له‌ جێگا ده‌رپه‌ڕیم و ده‌رگام کرده‌وه‌، هیچ که‌س دیار نه‌بوو. ده‌نگه‌که‌ هێشتا له‌ مێشکم­دا ده‌زرینگایه‌وه‌.

دووشێکم گرت، ردێنم تاشی و که‌واپانتۆڵه‌ ره‌شه‌ ئوتووکراوه‌کانم ده‌به‌رکردن و‌ به پیاوی‌ قژ ماش­وبرنجیی ناو‌ ئاوێنه‌که‌م گوت: ئه‌وڕۆ دێت!...

ادامه نوشته